جانئے آج آپ کا دن کیسا رہے گا

حمل:
21مارچ تا21اپریل

ایسے افراد کو بھی سر اٹھانے کا موقعہ مل سکتا ہے جو کبھی آپ سے آنکھ ملا کر بات کرنے کی ہمت نہیں کر سکتے تھے۔ بہر حال گزشتہ راہ صلوٰۃ آئندہ راہ احتیاط کے منصوبے پر عمل کریں۔

ثور:
22اپریل تا20مئی

موجودہ کاروبار بد نظمی اور غلط اندازوں کی بناء پر نقصان دہ ثابت ہو سکتا ہے۔ اخراجات کی زیادتی پریشان کر سکتی ہے۔ حسب سابق پسندیدہ رشتہ طے پانے کی امید رکھی جا سکتی ہے۔راہ چلتے ہوئے محتاط رہیں۔

جوزا:
21مئی تا21جون

گھر میں کسی قسم کی مخالفت کو ابھرنے کا موقعہ نہ دیجئے اور ہمہ وقت اپنی آنکھیں کھلی رکھیں، محبت بھرے پھولوں کے ساتھ ساتھ چند کانٹوں کے ساتھ بھی آپ کا دامن ضرور الجھ سکتا ہے۔

سرطان:
22جون تا23جولائی

مایوسی کے خود ساختہ خول سے باہر نکل آیئے ایک نئی دنیا آپ کی منتظر ہے اگر آپ کی سوچ آپ کے خیالات نہیں بدل پاتے یا پھر آپ اس چنگل سے آزاد نہیں ہو سکے تو پھر کسی اچھے رہبر کا سہارا لے لیجئے۔

 

اسد:
24جولائی تا23اگست

کاروباری سلسلے میں ڈٹ کر محنت کیجئے، آپ کی جدوجہد رنگ لا سکتی ہے اور آپ نہ صرف موجودہ کاروبار کو وسعت دے سکیں گے بلکہ کافی آمدنی بھی اکٹھی کر سکیں گے۔

سنبلہ:
24اگست تا23ستمبر

آپ کی بنائی ہوئی چند سکیمیں حسب توقع کامیاب ہو سکتی ہیں نتیجہ ً زر کثیر آپ کی جیب خاص میں آ سکتا ہے۔ ملازمت پیشہ افراد ترقی کر سکتے ہیں۔ کسی نئے دوست سے فائدہ ہو سکتا ہے۔

میزان:
24ستمبر تا23اکتوبر

یہ بھی اچھی طرح یاد رکھیں کہ برے وقت کے دوران کن افراد نے آپ کو مایوسیوں کے اندھیرے میں دھکیلنے کی درپردہ کوشش کی تھی حالانکہ اچھے وقت کے دوران آپ نے ان ہی لوگوں کیلئے بہت کچھ کیا تھا۔

عقرب:
24اکتوبر تا22نومبر

کوئی قریبی شخص بھی خلوص و محبت کے جھوٹے سپنے دکھانے کی کوشش کر سکتا ہے، آنکھیں کھلی رکھ کر حالات کو حقیقت کے آئینے میں دیکھنے کی کوشش کیجئے آپ کسی کا حقیقی چہرہ دیکھنے میں کامیاب ہو جائیں گے۔

قوس:
23نومبر تا22دسمبر

گھریلو زندگی میں عظیم الشان تبدیلی آ سکتی ہے تمام گلے و شکوے دور ہو سکتے ہیں ان بے پناہ خوشیوں میں گم ہو کر اس حقیقت کو بھلا نہ دیں کہ جہاں پھول کھلتے ہیں وہاں کانٹوں کی موجودگی سے انکار نہیں۔

جدی:
23دسمبر تا20جنوری

آپ اپنی گرم مزاجی کو بھی قابو میں رکھنے کی کوشش کریں، کسی بھی شخص سے الجھنے کی صورت میں نقصان آپ ہی کو برداشت کرنا پڑ سکتا ہے، راہ چلتے یا گاڑی چلاتے ہوئے محتاط رہئے۔

دلو:
21جنوری تا19فروری

چند قریبی عزیز آپ کیلئے تفکرات اور الجھنوں کا ایک نیا دروازہ کھول سکتے ہیں لہٰذا بہت زیادہ محتاط رہ کر وقت گزاریں کسی بھی بات پر شریک حیات سے اختلاف نہ کریں ۔

حوت:
20 فروری تا 20 مارچ

جب تک آپ خود پر مکمل بھروسہ کرتے ہوئے تمام امور سرانجام نہیں دیں گے اور صرف دوسروں کے دیئے گئے مشوروں پر ہی عمل کرتے رہیں گے تو ترقی نہ ہو سکے گی۔

The post جانئے آج آپ کا دن کیسا رہے گا appeared first on ایکسپریس اردو.