تحریک انصاف کی انتخابی مہم کیلیے گلوکار فرحان سعید کا انتخاب

 لاہور: پاکستان تحریک انصاف کی انتخابی مہم کیلیے گلوکار فرحان سعید کا انتخاب کرلیا گیاہے۔

گلوکار فرحان سعید کارکنوں اور ووٹروں کا لہو گرمانے کے لیے پارٹی کا نیا آفیشل گیت ریکارڈ کرائیں گے۔ اس سلسلہ میں فرحان سعید نے بنی گالا میں چیئرمین پی ٹی آئی عمران خان سے ملاقات کی اور الیکشن مہم 2018 کا آفیشل گانا گانے کے لیے ان پر اعتماد کرنے پر شکریہ ادا کیا۔

فرحان سعید کا کہنا ہے کہ وہ عمران خان اور پی ٹی آئی کے شکرگزار ہیں کہ انتخابی مہم کا آفیشل گانا گانے کے لیے ان پر بھروسہ کیا گیا۔

The post تحریک انصاف کی انتخابی مہم کیلیے گلوکار فرحان سعید کا انتخاب appeared first on ایکسپریس اردو.