سارہ پیٹرکا لندن میں بانی پاکستان کوخراج تحسین

 لاہور: پاکستانی نژاد برطانوی گلوکارہ سارہ پیٹرنے لندن میں بانی پاکستان حضرت قائداعظم محمد علی جناح کو خراج تحسین پیش کیااور مجسمے کی نقاب کشائی تقریب میں عمدہ پرفارمنس کا مظاہرہ کرتے ہوئے شرکاء کو جھومنے پرمجبورکردیا۔

تفصیلات کے مطابق لندن میں قائداعظم کے مجسمے کی نقاب کشائی کے لیے ایک پروقار تقریب کا انعقاد کیا گیا۔ جس میں پاکستانی ہائی کشمنر سید ابن حسن اور لندن کے میئرصادق خان سمیت بہت سی اہم شخصیات موجود تھی۔ اس موقع پرسائرہ پیٹرنے اپنے مخصوص اندازمیں ملی نغمے پیش کرتے ہوئے برطانوی سرزمین پرقائداعظم اوروطن عزیز کے نام سے شرکاء کونعرے لگانے پرمجبور کردیا۔ تقریب میں پرفارمنس کے بعد ’’ایکسپریس‘‘ سے گفتگو کرتے ہوئے سارہ پیٹرنے کہا کہ یہ میرے لیے اعزازکی بات ہے کہ میں نے اتنی اہم اورغیرمعمولی تقریب میں بانی پاکستان قائد اعظم محمد علی جناح کواپنے سچے سروں اورمقبول ملی نغموں کے ذریعے خراج عقیدت پیش کیا۔

اس موقع پر جیسے ہی میں نے حضرت شاہ عبدالطیف بھٹائی کا کلام پیش کیا توشرکاء جھومنے لگے۔ یہ واقعی ہی صوفیانہ کلام کا ہی اثرہے کہ اس کوجب بھی اورجہاں بھی پیش کیا جائے، لوگ اس سے محظوظ ہوتے ہیں۔ خاص طور پر برطانیہ جیسے ملک میں جہاں لوگ انگریزی بولتے اور سمجھتے ہیں، وہاں بھی جب صوفیاء کرام کے کلام کوپیش کیاجائے تواچھا لگتا ہے۔

The post  سارہ پیٹرکا لندن میں بانی پاکستان کوخراج تحسین appeared first on ایکسپریس اردو.