کیا رنویر ہندو مذہب چھوڑ رہے ہیں؟

ٹوئٹ کرنے کے لیے یہ وقت مناسب نہیں تھا؛صارف ؛فوٹوفائل

ٹوئٹ کرنے کے لیے یہ وقت مناسب نہیں تھا؛صارف ؛فوٹوفائل

ممبئی: نامور بالی ووڈ اداکار رنویر سنگھ کی جانب سے کی جانے والی ٹوئٹ کہ وہ اپنا مذہب کھورہے ہیں نے سوشل میڈیا پر نئی بحث چھیڑ دی ہے اور مداح پریشانی کا شکار ہیں کہ رنویر نے آخر یہ ٹوئٹ کیوں کی ہے۔

بالی ووڈ میں ان دنوں چاروں طرف صرف ’’پدماوتی‘‘کی گونج جاری ہے، فلم کے گانے گھومر میں دپیکا کا ڈانس ہو، فلم کی کہانی کو لے کر بھارتی وزرا کے تحفظات ہوں یا فلم کے ہدایت کار سنجے لیلا بھنسالی پر تشدد کرنےکا معاملہ ہو، بھارتی میڈیا پر صرف ’’پدماوتی‘‘ہی چھائی ہوئی ہے۔

اس خبرکوبھی پڑھیں: دپیکا اور رنویر کی ’’پدماوتی‘‘ کا ٹریلر جاری

فلم پہلے ہی متعدد تنازعات کا شکار ہے اور اب اداکار رنویر سنگھ کی ٹوئٹ نے ایک نئے تنازعے کو جنم دیدیا ہے۔ اداکار رنویر سنگھ فلم میں مسلمان بادشاہ علاؤالدین خلجی کاکردار نبھارہے ہیں جو دہلی پر حکومت کرنے والے دوسرے طاقتور ترین سلطان تھے۔ رنویر سنگھ نے خود کو اس کےکردار میں ڈھالنے کے لیے بہت محنت کی اور کردار میں حقیقت کا رنگ بھرنے کے لیے خود کو مکمل طور پر علاؤالدین کے کردار میں ڈھال لیا یہاں تک کہ شوٹنگ ختم ہونے کے بعد انہوں نے اس کردار سے نکلنے کے لئے نفسیاتی ڈاکٹر سے اپنا علاج بھی کرایا لیکن لگتا ہے رنویر علاؤالدین خلجی کے کردار میں ہی موجود ہیں اور ابھی تک خود کو اس کردار سے آزاد نہیں کراسکے ہیں۔

اس خبرکوبھی پڑھیں: ’’پدماوتی‘‘ کی راہ میں ایک اور مشکل کھڑی ہوگئی

گزشتہ روز رنویر سنگھ نے اپنی تصویر کے ساتھ ایک ٹوئٹ کی ہے’’میں اپنا مذہب کھورہاہوں‘‘لیکن انہوں نے اپنی ٹوئٹ کی وضاحت نہیں کی ہے کہ آخر وہ کہنا کیا چاہ رہے ہیں۔ تاہم رنویر کی اس مختصر سی ٹویٹ نے سوشل میڈیا پر ہنگامہ مچادیا ہے۔ کچھ لوگوں کا کہنا ہے کہ رنویر نے فلم میں ایک مسلم سلطان کا کردار نبھایا ہے اوراس کے اثرات شاید اب بھی موجود ہیں اسی لیے انہوں نے یہ ٹوئٹ کی ہے۔ جب کہ کچھ لوگوں کا خیال ہے کہ فلم  مختلف تنازعات کا شکار ہے اس وقت رنویر کو یہ ٹوئٹ نہیں کرنی چاہئے تھی اس سے فلم کی ریلیز پر مزید منفی اثر پڑے گا۔

ہیمانشی کنور نامی ایک صارف نے کہا’’میں سمجھ نہیں سکی کہ آپ کیا کہنا چاہ رہے ہیں ، میں اپنا مذہب کھو رہاہوں اس کا کیا مطلب ہے‘‘۔

ایک اور صارف نے کہا ’’ رنویر نے یہ ٹوئٹ کرکے فلم کو مزید متنازعہ بنا دیا ہے، ٹوئٹ کرنے کے لیے یہ وقت مناسب نہیں تھا‘‘۔

ایک اور صارف نے کہا ’’ان الفاظ کی اس وقت ضرورت نہیں تھی، ان الفاظ کا دوسرا مطلب لیا جاسکتا ہے‘‘۔

ایک صارف نےکہا ’’رنویر خلجی کے رول میں کچھ زیادہ ہی  ڈھل گئے‘‘۔

ایک صارف نے بھارتی گلوکار سونونگم کا حوالہ دیتے ہوئے کہا کہ ’’جب آپ سونونگم جیسے بننا چاہتے ہوں‘‘۔

وِنے نامی صارف نے کہا ’’یہ آپ ہی ہیں یا سونو نگم ہیں‘‘۔

کچھ لوگوں نے کہا رنویر نے یہ ٹوئٹ فلم کی تشہیر کے لیے کی ہے۔

ایک صارف نے نہایت دلچسپ ٹویٹ کرتے ہوئے کہا ’’ڈرنے کی کوئی بات نہیں آپ کا کوئی مذہب ہے ہی نہیں لہٰذا آپ اسے نہیں کھو سکتے‘‘۔

کچھ صارفین نے کہا دراصل یہ جملہ مشہور بینڈ ’’آرای ایم‘‘کے گانے ’’میں اپنا مذہب کھورہاہوں‘‘کا ہے۔